Ungir félagar

Ráðstefnugreinar ungra félaga JTFÍ

Jarðtæknifélagið styður unga félaga til þess að sækja ráðstefnur fyrir félagsmenn 35 ára eða yngri.
JTFÍ hefur mikinn áhuga á að styrkja ungt efnilegt jarðtæknifólk til eflingar í faginu og m.a. að sækja sérstakar ráðstenur ungs fólks sem alþjóðasamböndin halda reglulega með þessi markmið í huga, yfirleitt í aðdraganda heims eða álfu ráðstefna. JTFÍ hvetur áhugasama eindregið til að hafa samband við stjórn félagsins og kanna málið nánar.

Greinar lagðar fram 2020 en hefur verið frestað vegna COVID

Vigdís Bjarnadóttir, EFLU

Ágrip úr grein Vigdísar:
,,Hugmyndir hafa verið uppi um að tengja saman höfuðborgarsvæðið og Keflavíkurflugvöll með hraðlest. Um 15 km löng göng yrðu grafin á milli Vatnsmýrar og Straumsvíkur fyrir lestina, sem færi svo áfram á yfirborði til Keflavíkur. Í greininni er farið yfir helstu vandamál í tengslum við jarðgangagerð á Íslandi og mögulegar lausnir við þeim. Einnig er fjallað um þrívíddar líkan af jarðlögunum undir höfuðborgarsvæðinu, sem útbúið var til þess að ákvarða hentuga legu fyrir göngin.‘‘

Helga Rún Hlöðversdóttir, VSÓ

Ágrip úr grein Helgu:
,, Verkefnið fjallar um það að finna jarðtæknileg einkenni ársets með því að bera saman niðurstöður úr CPTu borunum við niðurstöður kornagreininga. Tilgangurinn er að gera fyrirliggjandi töflur sem flokka jarðveg frá CPTu niðurstöðum (Robertson (1990, 2016)) staðbundnar til að fá sem nákvæmasta greiningu á jarðveginum. Svæðið notað undir boranir er Øysand, um 20 km suður af Þrándheimi, Noregi og er partur af stærra verkefni þar sem verið er að safna upplýsingum til að fá betri skilning á hegðun sands.´´